Mijil = 10i, 6o, 10e, 10i, 6i, 6u
Kinanthi = 8u, 8i, 8a, 8i, 8a, 8i
Sinom = 8a, 8i, 8a, 8i, 7i, 8u, 7a, 8i, 12a
Asmaradana = 8i, 8a, 8e/o, 8a, 7a, 8u, 8a
Dhandhanggula = 10i, 10a, 8e, 7u, 9i, 7a, 6u, 8a, 12i, 7a
Maskumambang = 12i, 6a, 8i, 8a
Durma = 12a, 7i, 6a, 7a, 8i, 5a, 7i
Pangkur = 8a, 11i, 8u, 7a, 12u, 8a, 8i
Gambuh = 7u, 10u, 12i, 8u, 8o
Megatruh = 12u, 8i, 8u, 8i, 8o
Pocung = 12u, 6a, 8i, 12a
Ayo Sinau Basa Jawa
Sabtu, 07 Desember 2013
Jumat, 06 Desember 2013
Essai Jawa
BBM
Mundhak, Wong Cilik Berontak
Wektu-
wektu iki Indonesia lagi rame-ramene gelut tumprap salah sawijining perkara.
Ora liya yaiku perkara bahan bakar minyak kang asring disingkat BBM. Ora
baen-baen, BBM kang dadi kebutuhan primere kendaraan bermotor kuwi gawe kisruhe
Negara. Bab kuwi kawiwitan nalika pemerintah setuju tumprap mundhake rega BBM.
Kanggo rakyat kang kagolong wong ora duwe, mudhake rega BBM diibaratke “nekek
gulu” yaiu ungkapan kang dinggo nalika sawijining wong krasa abot banget
tumprap sawijining perkara.
Pancen
ora mung wektu iki, mbiyen rega BBM uga wis tau mundhak. Nanging mundhake BBM wektu
iki dianggep sing paling nyengsarakke rakyat. Lha kok ora? Mundhake BBM
mesthine nggawa dampak kang elek dening para rakyat. Mundhake BBM mesthi wae
disusul dening mundhake barang-barang liyane, lan sing paling dirasakake yaiku
bab mundhake rega sembako.
Ora
bisa dielakne nalika sembako kuwi kebutuhan kang dibutuhake dening saben
pawongan saben dinane. Sembako kuwi kabutuhan kang ora bisa diundur-undur
anane, mangka sembako kuwi kagolong kabutuhan primer. Kanthi mundhake rega BBM,
ibu-ibu kapeksa mikir kaping pindho kanggo ngubetna dhuwit blanja kanggo
kacukupane kaluargane. Yen ora kaya mangkono mesthi dhuwit blanja kuwi ora
bakal cukup ing wayahan kaya ngene. Ora mung kuwi, dampak mundhake BBM uga
njalari kurange dhuwit tabungan para rakyat sing kagolong menengah ke bawah.
Sing luwih rinci maneh yaiku nalika
rega BBM bisa nuwuhake efek lanjutan kanggo kebutuhan pokok sing wis sithik
dibahas ana ing dhuwur. Sakliyane iku, masyarakat sing ora setuju tumprap
mundhake rega BBM nganggep yen pemerintah langkung kesusu terbitake kebijakan
mundhakna rega BBM. Pemerintah diaanggep keset lan namung golek dalan pintas
kanggo nyelesekake APBN. Tumindake
pemerintah kanthi mundhakna rega BBM kuwi bakal nambahi perkara kemiskinan, uga
bisa nuwuhake konflik sosial sing ana ing sajroning masyarakat, nambahi
pengangguran lan bisa njalari mundhake rega-rega barang liya, biaya
trasportasi, lan sing luwih parah yaiku bab inflasi.
Kanggo rakyat miskin, sing kagolong
masyarakat ndesa, dheweke mesthi ora ngerti lan ora kepengen ngerti apa sing
njalari mundhake rega BBM. Kanggo dheweke, rega BBM kang mundhak kuwi kagolong
tumindake pemerintah sing ora pro marang wong cilik.
Ora sarujukke wong cilik bisa diamati
saka apa sing wis kadadean ing wayah-wayah iki. Yaiku dhemo. Miturut pawarta
kang diunggah dening blog Liputan6, akehe 10ewu buruh kang kegabung ana ing
Majelis Pekerja Indonesia (MPBI), sing digawe bebarengan saka KSPI, KSPSI,
KSBSI, LAN Federasi SP liyane tanggal 17 Juni 203 padha gawe aksi tolak
mundhake rega BBM bersubsidi kanthi ngepung gedung DPR RI, sing bakal dinggo
sidang paripurna DPR kanggo mbahas APBN-P-2013.
”Aksi uga kadadean ana ing kawasan
industri Pulogadung lan kawasan industri liyane,” Presiden
Konfederasi Serikat Buruh Sejahtera Indonesia (KSBSI), Mudhofir kayai dikutip
saka keterangan tertulis, Senin (17/6/2013).
Seje karo golongan sing kontra
marang mundhake rega BBM, uga ana pawongan sing pro utawa sarujuk tumprap
mundhake rega BBM. Miturut golongan iki, tumindake pemerintah kanthi ngurangi
subsidi marang BBM kuwi kagolong tumindak sing bener. Ana ing taun kepungkur,
subsidi BBM saka pemerintah kuwi akeh banget lan akibate APBN Negara dadi
nggembung.
Ora mung kuwi, subsidi BBM dianggep
subsidi sing ora tepat sasaran. Pancen, yen miturut kadadean nyata ing
masyarakat subsidi BBM sing dikhususna kanggo masyarakat kurang mampu, uga
malah melu dirasakake dening masyarakat menengah atas. Akeh para masyarakat
kang anduweni mobil-mobil mewah melu ngisi bahan bakar jenis premium. Dene
premium kuwi kagolong jenis bahan bakar kang disubsidi. Pemerintah uga wis
menghimbau marang masyarakat kang nganggo mobil mewah supaya ngisi bahan bakar
jenis pertamax, nanging pancen mayarakate sing bandhel utawa sanksi sing ora
tegas marang pelakune, ndadekake himbauan kuwi kadya “angin lalu”.
Yen wis kaya mangkono saiki akibate
wis dirasakake dhewe. Sing paling nggegiris ing ati yaiku rakyat-rakyat cilik
uga melu ngrasakake akibate. Para rakyat cilik njerit amarga kadadean sing kaya
mangkene.
Kanggo golongan sing pro marang
mundhake BBM, bab iki dianggep solusi kanggo nyalametake APBN lan supaya
subsidi BBM bisa digunakake kanggo subsidi liyane sing luwih dibutuhake dening
wong-wong cilik. Kayata kanggo subsidi pendidikan, subsidi kesehatan, lan
subsidi liyane kang luwih migunani. Dene pemerintah uga nyiptakake program
kanggo subsidi marang rakyat miskin, yaiku wujud BLSM ( Bantuan Langsung
Sementara Masyarakat).
Geguritan
RON GARING
Wengi sansaya atis
nalika aku sesingidan ing sajroning swara gamelan
kang digawa dening angin
prasasat tan kendhat
anggonku kulak warta adol prungu
ananging isih mamring
aku wis pingin cecaketan
obormu kang makantar-kantar
madhangi jangkah lan jagatku
ana ngendi papanmu
lelana tapa brata
tanpa pawarta tanpa swara
aku kadya ron garing
kumleyang kabur kanginan
ing jagat peteng lelimengan
krasa luwih abot
anggonku ngadhepi dina-dina ing ngarep
mlakuku ora mantep
kagubet ribet lan ruwet
adoh saka cahyamu
pedhut ing sakindering pandulu
panjenengan
guruku, sihku, oborku
kancanana sukmaku sinau bab katresnan sajroning ati.
Untuk membantu terjemahan geguritan di atas silakan ke http://kamusjawa.info
Pengarang : Budhi setyawan (http://www.budhisetyawan.wordpress.com)
Wengi sansaya atis
nalika aku sesingidan ing sajroning swara gamelan
kang digawa dening angin
prasasat tan kendhat
anggonku kulak warta adol prungu
ananging isih mamring
aku wis pingin cecaketan
obormu kang makantar-kantar
madhangi jangkah lan jagatku
ana ngendi papanmu
lelana tapa brata
tanpa pawarta tanpa swara
aku kadya ron garing
kumleyang kabur kanginan
ing jagat peteng lelimengan
krasa luwih abot
anggonku ngadhepi dina-dina ing ngarep
mlakuku ora mantep
kagubet ribet lan ruwet
adoh saka cahyamu
pedhut ing sakindering pandulu
panjenengan
guruku, sihku, oborku
kancanana sukmaku sinau bab katresnan sajroning ati.
Untuk membantu terjemahan geguritan di atas silakan ke http://kamusjawa.info
Pengarang : Budhi setyawan (http://www.budhisetyawan.wordpress.com)
Langganan:
Postingan (Atom)